Would you say I'm an Angel?

好想同阿媽講
記性差，我真係唔係好想
但係你咁施壓力俾我，我記得ge野，只會越黎越少
好似捏響手裡面ge沙咁，你再捏，只會有更加多跌出黎
唔訓覺，皆因我怕左訓覺
合埋眼，只會諗起鬼壓床果種瀕臨死亡ge恐懼感
仲有一醒，望到個鐘都成三點ge挫敗感
同埋，聽到「你真係好過份」之後ge絕望感

仲有，做家務做到D野東跌西跌
陣係行過個廳都撞跌三五七樣野
唔係我想ga
我唔係由細做家務做到大，我又唔係話唔做
但係你唔好expect我第一日拎起鑊摌就識煮滿漢全席囉
煮到D野成周圍都係，我覺得我咁少煮野，真係好正常囉
又唔係你抹，都係我執頭執尾je

同埋，夠啦，我唔係超人呀
我未聽過有人會讀書家務運動藝術文學仲有樣貌打扮談吐樣樣掂ga
你要求自己做超級女強人算啦
我唔係囉，我係人黎ga咋
俾人罵會喊ga，會傷心ga，會唔開心ga

你點解可以expect一個人唔開心仲要笑騎騎同你講野？
我覺得好變態呀
好唔人道呀
唔該

但係我呢幾個月就係咁忍你以上咁多樣野囉
我忍呀
忍到我真係就黎忍唔到啦
做家務fine但係唔好挑剔我囉
叫我煮野食果個係你，就唔好見我煮到成手都係就一副「無法理解」個樣囉

你係阿媽黎ga
你應該要知道，只要係親人
唔需要用把斧頭，一個眼神已經可以將我劈成碎片

唔好諗住D野你做到其他人都要做到囉
一係你可以素描素到好似真咁先講啦